Елдік үйлестіру комитетің кездесуі 2026 ж. шілденің 23-і

2026 жылғы 23 шілдеде Қазақстан Республикасы Денсаулық сақтау вице-министрі, Елдік үйлестіру комитетінің (ЕҮК) жаңадан сайланған төрағасы М.Е. Рамазановтың төрағалығымен АИТВ-инфекциясы мен туберкулез мәселелері бойынша халықаралық ұйымдармен жұмыс жөніндегі Елдік үйлестіру комитетінің (ЕҮК) отырысы өтті.

Отырыс барысында ЕҮК мүшелері Жаһандық қордың 8-гранттық циклі шеңберінде 2027–2029 жылдарға арналған АИТВ компоненті бойынша Қазақстанның гранттық өтінімін дайындаудың негізгі мәселелерін қарады, оны одан әрі жетілдіру жөніндегі қадамдарды, сондай-ақ АИТВ-инфекциясы мен туберкулезге ұлттық ден қою шараларының тұрақтылығын қамтамасыз ету мәселелерін талқылады. Талқылау қорытындысы бойынша өтінім қайта пысықтауға жіберіліп, кейіннен электрондық пошта арқылы дауыс беруге шығарылатын болды.

Күн тәртібі:

1. 2026 жылғы 14 шілдедегі ЕҮК отырысында берілген ұсыныстарды ескере отырып, 2027–2029 жылдарға арналған «АИТВ» компоненті бойынша ЖИТС-пен, туберкулезбен және безгекпен күрес жөніндегі Жаһандық қордан қаржыландыру алуға арналған өтінім жобасын келісу туралы.
2. OneImpact жүйесін іске асыру мәселелері бойынша мүдделі тараптардың кездесуінің шешімдері туралы.